Kahalaoweke: Mele Nala Lau Hala
Ka Haku Mele • 6m 26s
Kaulana Kahaloweke o ka hikina lā,
Hoʻonipo ana me ka hala o Māpuwena–
Pili ana i ka piko o ka hono
ʻO Kapueokahi i ka ulua ka Halemauʻu.
Hoʻohaunuʻu Hāna iā Kaihuakalā,
I ka pōʻai puni ʻia e ke Kiu,
I ka haʻi mai a ka nalu o Keʻanini
I ke alo pali o ka wai o Punahoa.
Kīkiʻi Mokuhano i ka ʻehu o ke kai–
ʻĀwala lua i ka lae ʻo Nānuʻalele;
Pūkaula Kaihalulu i ka huʻa kai–
Haʻimoeipo i ka poli o Kaʻuiki.
ʻO ka waiho ohiohi kupu a lau
Huki hiʻi Waikaloa i ka ʻiliʻili;
Haʻina hoʻoheno i ka papā–
I ka lele hunahuna mai a ka Uakea.
_
English Translation:
Famed is Kahaloweke from where the sun rises,
Wooing the pandanus grove of Māpuwena–
Approaching each other along the boundary of the bay
Of Kapueokahi amidst the rising Halemauʻu wind.
Hāna is prideful because of Kaihuakalā,
Because of how it is encompassed by the Kiu breeze,
Because of the breaking surf of Keʻanini
Along the face of the cliff of the waters of Punahoa.
Mokuhano leans into the spray of the sea–
Tilting across toward the point of Nānuʻalele;
Kaihalulu bears a bundle of sea foam upon its back–
Absorbed in fascination within the embrace of Kaʻuiki.
The lush and verdant sprawl of the land,
Waikaloa tugs and takes up the stones;
Telling lovingly of the blowing of the wind–
Of the fine misty spray of the Uakea.
Up Next in Ka Haku Mele
-
Ipo Kaʻupu: Mele Hoʻālohaloha
ʻAuhea wale ana ʻoe,
E kuʻu ipo kaʻupu?
Aia i ka moana ākea
I ka hehi ʻale mai;
Eia iho nō wau
E kali aku nei
I ko hoʻi mai
A pumehana hou kāua.Mea ʻole ē ka hao mai
A ka makani Ulumano
I kūʻululū iho ai
ʻO Kuaihelani;
Hō mai ko ihu aloha
I ʻolu hoʻi kāua,
A nāueue pū
I ka ulu a ke kīkīao.He ...
-
Nani Wale ʻo Piʻiholo
ʻAe, Nani Wale ʻo Piʻiholo
Nani wale ē ʻehehene
ʻO Piʻiholo ʻā ʻahahana
Ka wai huʻi ē ʻehehene
ʻO Kalena ʻā ʻahahana ē
He mea ʻole ē ʻehehene
Ta piʻina ʻā ʻahahana
Ma luna pono ē ʻehehene
O ka lio ʻā ʻahahana ē
E paʻa pono ē ʻehehene
I ta ʻōmuku ʻā ʻa... -
ʻUmaleimakani
ʻAe, He hoʻoheno no ʻUmaleimakani
ʻĒhē, ʻāhāʻO ʻoe ia, ēhē
ʻO ʻUmaleimakani, ʻāhāHe pōhaku, (he) kanaka, ʻēhē
Kūpaʻa i ka ʻāina, ʻāhāE oʻu hoa kīaʻi, ʻēhē
O Hakapueo, ʻāhāE pale aku i ka ʻino, ʻēhē
E pale aku i ka hewa, ʻāhāʻO nā lawakua, ʻēhē
ʻO Maka aʻo Hiwa, ʻāhāUwalo aku ka leo, ʻ...
