ʻAuhea ʻoe e kuʻu ipo
Pumehana mau i ko poli
Kilakila Kalalea
Me ka makani Nihiaumoe

Hiki mai ka lā ua kakahiaka
E luana ana i kahaone
Lae Kāhala ʻau i ke kai
Kai kuaʻau o Anahola

Hui:
Kei ka nani o ka pua ʻula
Pua aloalo o ka ʻohana
Ka hanu ʻaʻala o ka mēlia
I kui ʻia a lawa kuʻu lei

Māhuahua aʻe nei ke aloha
I ka pā kōnane a ka mahina
Hāʻina ʻia mai ana kuʻu mele
No kuʻu ʻāina hoʻopulapula​

Where are you my sweetheart?
I am always warm in your bosom
Majestic is Kalalea
With the Nihiaumoe wind

The sun arrived, it is morning
We were hanging out beachside
Kāhala Point swims in the sea
Anahola, the basin inside the reef

Chorus:
The red blossom is exquisite
Cherished hibiscus of the family
The sweet smell of the plumeria
My lei is complete

The love is growing strong
The bright shining of the moon
This is the end of my song
For my beloved homestead
_
A message from the Haku Mele:
“Ua haku ʻia kēia mele no ka ʻāina hoʻopulapula ʻo Anahola. ʻO kēia ka ʻāina ʻohana o ka ʻaoʻao o koʻu makuahine, ʻo ia hoʻi ka ʻohana Kahaunaele. ʻO ka pua aloalo ka pua punahele a koʻu kupuna wahine kuakahi, ʻo Marjorie Lynette Kanani Pānui Kahaunaele. ʻO lāua ʻo David Kalaunuiohua Kahanu Kahaunaele Sr. nā mea i noho ma kekahi ʻāpana ʻāina hoʻopulapula i ke alanui ʻo Māhuahua ma Anahola. Ma laila i noho ai koʻu makuahine ʻo Kainani Kahaunaele.” - Kaniaulono Hapai

“No ia mea he haku mele, he pae nō e hōʻea aku ai kaʻu mau keiki. Ua hoʻomaka akula i ka wā kamaliʻi no kā mākou huakaʻi ʻana aku ma ko Hawaiʻi paeʻāina a me nā ʻāina ʻē a puni ka honua. Hana liʻiliʻi, hana liʻiliʻi a paʻa ihola. I kekahi manawa, haku wale ʻia kā hoʻi kahi lālani mele hou mai ka waha mai o ke keiki a ʻo ke kāhāhā maila nō ia o kuʻu manaʻo me kuʻu naʻau. ʻAʻole palapala ʻia kā lākou akā ʻike akula au, ua kuluma!” - Kainani Kahaunaele